Charter Document - 07250072
| Charter Number: | 07250072 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1230 - 1231 |
| Date type: | Internal, A.D. |
| Resource Link(s): |
People of Medieval Scotland |
Charter:
Anno Domini millesimo ducentesimo trigesimo de consilio prudencium virorum provisum fuit et concessum inter abbatem et conventum monasterii Sancti Thome de Abirbroth ex una parte et abbatem et conventum monasterii de Balmurynach ex altera parte pro se et pro successoribus suis ad pacem inter ipsa monasteria in perpetuum confirmandum videlicet quod si contigerit predictos abbatem et conventum de Balmurynach terram vel aliquod aliud unde decime dari solent in parochia alicujus ecclesie abbatis et conventus de Abirbroth aliquo titulo habere iidem abbas et conventus de Balmurynach bona fide et sine malo ingenio satisfacient inde ecclesiis de prestacione omnium decimarum secundum valenciam illarum tempore ingressionis illorum ita quod ipsi predictas ecclesias indemnes conservent quoad prestacionem decimarum perceptarum de tenueris suis quamdiu illas tenuerint secundum statum quo illas invenerint Dictus autem abbas et conventus de Abirbroth nichil aliud exigere vel extorquere presumant a predictis abbate et conventu de Balmurynach quam hic superius diffinitum est In hujus autem rei testimonium iidem abbates et conventus de Abirbroth et de Balmurynach huic scripto sigilla sua apposuerint Testibus []