Charter Document - 07250063
| Charter Number: | 07250063 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1262 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Urbanus episcopus servus servorum Dei dilectis filiis abbati Cistercii ejusque coabbatibus universis Cisterciensis ordinis salutem et apostolicam benediccionem Justis petencium desideriis dignum est nos facilem prebere consensum et vota que racionis tramite non discordant effectu prosequente complere Ea propter dilecti in Domino filii vestris justis precibus inclinati auctoritate vobis presencium indulgemus ut in parochiis illis in quibus veteres vobis decime sunt concesse novalium quoque de quibus aliquis hactenus non percepit pro ea porcione qua veteres vos contingunt percipere valeatis Nulli ergo omnino hominum licet hanc paginam nostre concessionis infringere vel ei ausu temerario contraire Si quis autem hoc attemptare presumpserit indignacionem omnipotentis Dei et beatorum Petri et Pauli apostolorum ejus se noverit incursurum Datum apud Urbem veterem pridie kalendas Novembris Pontificatus nostri anno secundo