Charter Document - 07250062
| Charter Number: | 07250062 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1252 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocencius episcopus servus servorum Dei venerabilibus fratribus archiepiscopis et episcopis ac dilectis filiis abbatibus prioribus decanis archidiaconis prepositis archipresbytris officialibus et universis ecclesiarum prelatis ad quos littere iste pervenerint salutem et apostolicam benedictionem Dilecti filii abbas Cistercii ejusque coabbates et conventus universi Cisterciensis ordinis suam ad nos querimoniam destinarunt quod licet eis a fede apostolica fit indultum ut a forensibus conventibus sint immunes nullique liceat in eos vel eorum monasteria seu confratres inibi commorantes excommunicacionis suspensionis aut interdicti contra id quod ab origine ordinis observatum fuisse dinoscitur sentencias promulgare que si promulgate fuerint decernuntur per hujusmodi indulgenciam irrite et inanes vos tamen eorum quieti et libertatibus de quo miramur non modi cum invidentes ac molientes infringere indulgenciam supradictam in eos contra indultum hujusmodi de facto predictas sentencias promulgatis quos ut fatigatis laboribus et expensis interdum ad forenses conventus accedere quandoque sentenciarum vestrarum execuciones quacunque sint auctoritate perlate suscipere invitos compellitis pro vestre arbitria voluntatis quamquam ex generali quod suscepisse dicimini apostolice sedis mandato teneamini eosdem in suis libertatibus et privilegiis contra pravorum pressuras et molestias defensare sicque sit ut indulgencia concessa eis causa solacii et quietis sit ipsis vobis contra ipsam quasi conspirantibus causa dispendii et laboris Quum igitur sicut in lege dicitur parum fit in civitate jus esse nisi qui illud tueatur existat dignumque ac conveniens videatur ut indulgencie ac privilegia que devotis et benemeritis indulgentur contra presumptorum audaciam ipsos cum expedit tueamur universitatem vestram rogamus monemus et hortamur attente per apostolica vobis scripta in virtute obediencie districte precipiendo mandantes quatinus privilegia indulgencias et libertates eisdem ab apostolica sede concessa ac eorum consuetudines racionabiles et antiquas firmas et illibatas eis de cetero pro apostolice sedis et nostra reverencia observantes ab eorum super premissis coactione ac molestia penitus quiescatis ita quod ipsi concessa eis valeant tranquillitate gaudere ac super hoc per sedem eandem non oporteat aliter provideri Datum Perusii decimo kalendas Septembris Pontificatus nostri anno decimo