Charter Document - 07250057
| Charter Number: | 07250057 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1317 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia Rex Scottorum omnibus probis hominibus tocius terre sue salutem Sciant presentes et futuri nos dedisse concessisse et hac presenti carta nostra confirmasse Deo et beate Marie et monachis de Balmorinach in Fyff Deo servientibus et in perpetuum servituris totam piscariam nostram de le Stok super aquam de Taya in boreali parte ejusdem Incipiendo ex parte orientali a magno lapide in terram fixo et ab eodem lapide ascendendo versus occidentem usque ad curvum sicum Tenendam et habendam eisdem monachis in liberam puram et perpetuam elemosinam per suas rectas divisas cum omnibus justis pertinenciis suis et omnibus aliis aysiamentis et libertatibus ad predictam piscariam pertinentibus Ita libere quiete plenaria et honorifice sicut aliqua elemosina in regno nostro liberius quiecius plenius et honorificencius tenetur aut possidetur Cum libera potestate palos figendi pro retibus eorum exaltandis et exsiccandas in terra propius eidem adjacente Testibus dominis David de Lyndesay et Michaele de Wemys militibus Johanne de Kyndelocht Johanne Boner Henrico de Craufirede et multis aliis In cujus testimonium has litteras predictis monachis perpetuo duraturas fieri fecimus patentes Apud Perth duodecimo die Julii anno regni nostri duodecimo