Charter Document - 07250056
| Charter Number: | 07250056 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1268 |
| Date type: | Internal, Calendar, Regnal |
| Resource Link(s): |
|
Charter:
Alexander Dei gracia Rex Scottorum omnibus probis hominibus tocius terre sue salutem Sciatis nos dedisse et hac carta nostra confirmasse Deo et beate Marie et monachis de Balmorinach in Fyffe Deo servientibus totam terram nostram de Ballindan Cultrath et Corbi per suas rectas divisas Incipientem ex parte orientali scilicet a Carneden procedendo in Motrich secundum cursum antiquum usque ad rivulum ex parte Dolle et sic ascendendo per rivulum australem ad fontem et a fonte ad partem borealem ascendendo ad collem et sic procedendo ad partem occidentalem ad Mierkip deinde procedendo a Murkip per summitatem ad mariscum ex parte orientali de Creych et sic descendendo per cursum antiquum in Corbiden usque in aquam de Tay Adeo libere quiete plenaria et honorifice sicut aliqua elemosina in regno nostro liberius quiecius plenius et honorificencius tenetur aut possidetur Testibus Andree episcopo Moravie Alexandro Cumyn comite de Buqwane justiciario Scocie Patricio comite de Dunbar Nicolao Sowl et Willelmo Ramsay militibus Galfrido et Willelmo de Nithyn clericis nostris Apud Balmorinach ultimo die Augusti anno regni nostri vicesimo