Charter Document - 07250055
| Charter Number: | 07250055 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1270 - 1317 |
| Date type: | Assigned |
| Resource Link(s): |
People of Medieval Scotland |
Charter:
Omnibus has litteras visuris vel audituris Frater Willelmus abbas de Balmurynach et ejusdem loci conventus salutem in Domino sempiternam Noverit universitas vestra nos pensata utilitate domus nostre de communi consensu consilii nostri concessisse et ad feodo firmam dimisisse Willelmo Welyeuyth et heredibus suis de corpore suo legitime procreatis quandam terram in burgo de Dunde jacentem inter terram Rogeri del Wend ex parte orientali ex parte una et ipsam venellam ex parte occidentali ex parte altera Quam quidem terram Normannus de vico castellano nobis et successoribus nostris contulit in puram et perpetuam elemosinam Tenendam et habendam sibi et heredibus suis de nobis et successoribus nostris in perpetuum in feodo et hereditate cum omnibus justis suis pertinenciis libertatibus commoditatibus et aysiamentis ad eandem terram spectantibus seu quoquo jure spectare valentibus Reddendo inde nobis et successoribus nostris dictus Willelmus et heredes sui per ipsum legitime procreati quolibet anno undecim solidos bonorum et legalium sterlingorum ad duos anni terminos scilicet medietatem ad festum Pentecostes et aliam medietatem ad festum Sancti Martini in hyeme qui quidem Willelmus et heredes sui invenient nobis et successoribus nostris sufficiens hostilagium in dicta terra quociens contigerit nos vel aliquem de confratribus nostris ad dictum burgum accessum facere ratione utilitatis domus nostre Nos vero et successores nostri predictam terram predicto Willelmo et heredibus suis ut predictum est contra omnes homines et feminas warantizabimus acquietabimus et in perpetuum defendemus In cujus rei testimonium presentibus sigillum nostrum commune apposuimus