Charter Document - 07250053
| Charter Number: | 07250053 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1285 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gracia Rex Scottorum omnibus probis hominibus tocius terre sue salutem Sciatis nos viros religiosos abbatem et conventum de Balmurynach terras suas homines suos et universas eorum possessiones ac omnia bona sua et hominum suorum mobilia et immobilia sub firma pace et protectione nostra juste suscepisse Quare firmiter prohibemus ne quis eis malum molestiam injuriam seu gravamen inferre presumat injuste super nostram plenarium foris facturam Concessimus eciam eisdem religiosis quod nullus in nostro regno capiat nomas suos vel hominum suorum nisi pro debitis propriis exceptis burgis nostris Mandamus insuper et precipimus omnibus vicecomitibus et ballivis nostris quatinus omnes illos qui in ballivis vestris debita debent dictis religiosis ad eadem debita eis juste et sine dilacione reddenda prout iidem religiosi vel eorum certus attornatus lator presencium dicta debita sibi deberi racionabiliter probare poterint compellatis Ita quod pro defectu vestro super hoc querimoniam de cetero audiamus Testibus Gilberto de Unfraivile comite de Angus Nicholao de Haya Waltero de Lindesay et Johanne de Haya militibus Apud Dunde quinto decimo kalendas Julii anno regni nostri trigesimo sexto