Charter Document - 07250052
| Charter Number: | 07250052 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1331 |
| Date type: | Internal, A.D., Feast |
| Resource Link(s): |
|
Charter:
Omnibus hoc scriptum visuris vel audituris Johannes de Dundemor dominus de eadem eternam in Domino salutem Noverit universitas vestra me pro salute anime mee antecessorum et successorum meorum dedisse concessisse et hac presenti scripto confirmasse Deo et Beate Marie de Balmurynach et monachis ibidem Deo servientibus et in perpetuum servituris totam aquam que currit per terram meam de Dunberauch Tenendam et habendam de me et heredibus et assignatis in puram et perpetuam elemosinam in perpetuum adeo libere quiete pacifice et honorifice sicut aliqua elemosina liberius quiecius in regno Scocie habetur vel possidetur et eadem aqua utantur et ducant fodiendo per dictam terram meam de Dunberauch ad molendinum suum de Petgornoch sicut eis melius et utilius visum fuerit expedire sine aliqua exaccione contradiccione et molestia mei heredum meorum assignatorum meorum et hominum dictam terram inhabitancium Preterea concessi eisdem monachis et eorum successoribus ut fodiant vel fodere faciant glebas ad cursum ejusdem aque de novo faciendum et reparandum quociens necesse fuerit Et ego et heredes mei et assignati predictis monachis de Balmurynach et eorum successoribus predictam aquam cum suis pertinenciis ut dictum est contra omnes homines et feminas warantizabimus acquietabimus et in perpetuum defendemus subiciens nihilominus me heredes meos et assignatos pene decem librarum legalium sterlingorum in subsidium terre sancte sive ad fabricam ecclesie Sancti Andree uno die sine aliquo remedio levandorum si dictis donacioni concessioni aliquando in aliquo puncto contra venerimus Si vero dictis monachis sive eorum successoribus sive eorum consilio aliquo tempore aliquid in presenti visum fuerit emendandum obligo me heredes meos et assignatos sub pena predicta duplicanda ad ejus emendacionem pro voluntate dictorum monachorum et consilio eorundem Et in hujus rei testimonium presens scriptum sigilli mei munimine roboravi Hiis testibus venerabilibus patribus dominis Dei gracia Jacobo Sancti Andree episcopo et Adamo abbate de Lundors dominis David de Berkeley et Alexandro de Seton militibus Alano de Clapham Laurencio Gameliny et aliis Acta apud Dundemor in crastino Apostolorum Petri et Pauli anno Domini millesimo tricentesimo tricesimo primo