Charter Document - 07250051
| Charter Number: | 07250051 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1328 - 1332 |
| Date type: | Assigned |
| Resource Link(s): |
|
Charter:
Universis Christi fidelibus hoc scriptum visuris vel audituris Johannes de Haya dominus de Athnauthan eternam in Domino salutem Noverit universitas vestra quod cum quedam controversia a retroactis temporibus sepius fuerit mota inter religiosos viros abbatem et conventum de Balmurynach et antecessores meos dominos de Athnauthan super jus et proprietatem cujusdam pecie terre jacentis in longum et latum inter terram meam de Galuran et terram dictorum religiosorum de Duchwarner que quidem terra incipit a parte occidentali ville de Galuran ubi dividitur terra mea et terram dictorum religiosorum de Balmurynach et sic se extendit per antiquam viam regiam versus orientem qua itur versus passagium de Portinkrag et de dicta via regia linealiter versus austrum usque ad quendam fontem qui dicitur Bridiis Wel et de dicto fonte usque ad quendam lapidem jacentem in mora et de dicto lapide usque ad marcias de Kylmanyn et de dictis marciis usque ad quandam semitam que dicitur Scongate ascendendo per dictam semitam usque ad dictam partem occidentalem de Galuran superius nominatam Ego vero Deo inspirante tam pio quam salubri utens consilio ut omnis exaccionis et decertationes occasio inter me et dictos religiosos perpetua sopiatur silencia et firma pacis concordia inviolabiliter observetur renuncio pro me et heredibus meis et assignatis in perpetuum omni clamio et juri proprietatis si que ego vel antecessores mei in dicta terra habuimus seu aliquo tempore habere potuimus Concedendo et hoc presenti scripto meo confirmando dictis religiosis in perpetuum pro salute anime mee necnon et pro animabus omnium antecessorum et successorum meorum quod dictam terram in longitudinem et latitudinem per suas divisas superius expressas habeant communem ad omnia et singula aysiamenta in dicta terra inventa sive invenienda operanda et facienda In cujus rei testimonium presenti scripto sigillum meum apposui Hiis testibus domino Jacobo Dei gracia episcopo Sancti Andree domino Willelmo de Lyndesay archidiacono ejusdem ecclesie domino Davit de Berkley vicecomite de Fyff domino David de Lyndesay domino de Balynbrey militibus Johanne de Kyner Johanne de Foreth Thoma Juvene Johanne Boner et aliis