Charter Document - 07250050

Sciant presentes et futuri quod ego Ricardus de Nidyn dedi et concessi et hac presenti carta mea confirmavi de expressa voluntate et de consensu Amabille uxoris mee pro salute anime mee et antecessorum meorum Deo et Monasterio Beate Marie de Balmurynach et monachis ibidem servientibus et in perpetuum servituris in puram et perpetuam elemosinam quandam partem terre in tenemento meo de Nidyn per has divisas scilicet illam peciam terre que jacet inter sitam divisam ex parte orientali et communem exitum animalium de Nidyn ex parte occidentali et extendit se versus viam regiam que ducit ad villam Sancti Andree ex parte aquilonari et ex parte australi extendit se versus magnam moram una cum communi pastura habenda in toto tenemento meo de Nidyn ad usum duarum vaccarum cum uno equo et sexaginta ovium cum omnibus aisiamentis et pertinenciis ad dictam spectantibus tam infra villam de Nidyn quam extra Tenendam et habendam de me et heredibus meis vel assignatis meis libere quiete pacifice bene et in pace ita plene et libere sicut aliqua terra elemosinata in regno Scocie alicui monasterio donatur ita quod nullus hominum aliquid pro dicta terra exigere poterit vel extorquere nisi solas oraciones Ego vero predictus Ricardus vel heredes mei vel assignati quicunque fuerint dictas terram et pasturam cum omnibus pertinenciis sicut predictum est contra omnes homines et feminas de omnibus que a dicta terra aliquo modo exigi poterint vel demandare warantizabimus acquietabimus et defendemus in perpetuum Et ut hec mea donacio concessio et confirmacio rata et stabiles permaneant semper hoc presens scriptum sigilli mei munimine roboravi Hiis testibus domino Johanne de Kyner Johanne de Haya domino de Athnauthan Willelmo de Ramesay et aliis