Charter Document - 07250049

Universis sancte matris ecclesie filiis ad quorum noticiam littere iste pervenerint Henricus filius Willelmi de Candela dominus de Aynstroyir salutem in Domino sempiternam Cum dudum Willelmus pater meus dedit et concessit et carta sua confirmavit viris religiosis Abbati et Conventui de Balmurynach quandam terram adjacentem ex parte orientali ville de Aynstroyir immediate super mare continentem spacium septies viginti et decem pedum juxta mare versus orientem inter semitam qua itur versus Karal et mare secundum quod metas eorum et divisas poni fecit ita quod possint quantum voluerint versus mare terminos suos dilatare Tenendam et habendam de se et heredibus suis sibi et eorum successoribus vel assignatis ad feodam firmam in perpetuum liberam quietam et absolutam ab omni servicio seculari exaccione et demanda auxiliis talliagiis exercitibus et omnibus aliis consuetudinibus tam non nominatis quam nominatis Reddendo sibi et heredibus suis tantum dimidiam marcam legalium sterlingorum annuatim nomine albe firme ad festum Purificationis Beate Marie Virginis in villa de Ayinstroyir Concessit eciam pro se et heredibus suis prefatis Abbati et Conventui eorumque successoribus hominibus suis et assignatis omnimodam libertatem eundi et redeundi per terras suas exceptis pratis et terris suis feminatis ad omnimodam utilitatem suam faciendam cum aisiamento aque ducende a fonte sub Motlau ex parte aquilonari dicte terre usque ad edificia eorundem in aqueductu subterranea prout et quando voluerint in petra sive in plumbo ita quod quocienscunque terram foderint ductum aque iterum faciant terra cooperiri Ego vero donum patris mei acceptans et omnia prescripta illesa observare volens ad honorem Dei et Beate Marie Virginis et omnium sanctorum pro salute anime mee et omnium antecessorum et successorum meorum majori libertate dictum monasterium donare decrevi concedo pro me et heredibus meis in perpetuum dictis religiosis et eorum assignatis pasturam quatuor vaccarum et unius equi in communi pastura de Aynstroyir libere Habebunt et bracinum in terra sua liberum ab omni exaccione absque impedimento mei et heredum meorum et asse dabunt boyas suas ad dictam terram pertinentes quandocunque et quibuscunque voluerint absque impedimento mei et heredum meorum et inhabitantes dictas boyas expandent recia sua ad siccandum super terram meam ubicumque necesse fuerit Reddendo mihi et heredibus meis centum allecia de qualibet barella exceptis monachis et eorum assignatis dictam terram in capite tenentibus Concessi eciam predictis religiosis et eorum hominibus lutum terram et aquam ad edificia sua construenda et reparanda et ad braciandum pro voluntate sua ubicumque voluerint et ventilabunt brasium et blada sua extra terram suam infra terram meam Homines vero dictorum religiosorum communicabunt cum hominibus meis libere in vendendo et emendo Ego vero et heredes mei dictam terram dictis abbati et conventui et eorum successoribus vel assignatis cum omnimodis aisiamentis warantizabimus manu tenebimus et defendemus contra omnes homines et feminas in perpetuum Si vero contingat quod absit dictos religiosos vel eorum homines dictam terram inhabitantes per defectum warancie dampnum vel jacturam incurrere subicio me et heredes meos jurisdiccione domini episcopi Sancti Andree et ejus officialium qui pro tempore fuerint ut me et ipsos ad restitucionem dampnorum et jacturarum compellant In cujus rei testimonium presenti scripto sigillum meum apposui Hiis testibus domino Adamo priore de Petynwem Thoma de Balcasky Rogero Kayir judice domini Regis Henrico dicto Herwart et multis aliis