Charter Document - 07250048
| Charter Number: | 07250048 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 - 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Willelmus filius et heres Aldredi de Burthlyn salutem eternam in Domino Noverit universitas vestra me ex mera voluntate mea dedisse concessisse et hoc presenti scripto confirmasse domui Sancte Marie de Balmurynach et monachis ibidem Deo servientibus et in perpetuum servituris illam antiquam viam per terram meam de Burglyn quam cum plaustris et aliis quibuscunque cariagiis suis usque ad quarrarium de Nidyn pergere solebant pro salute anime mee et antecessorum meorum in perpetuum Et si contingat aliquando plaustra aut cariagia dictorum monachorum moram trahere ad vadum de Burglyn propter impedimentum trans meacionis concedo quod animalia eorundem a cariagiis dissoluta tantum dem ibidem pascant et si necesse fuerit pernoctent Istam vero concessionem ego heredes mei et assignati contra omnes homines et feminas in perpetuum prefatis monachis warantizabimus et defendemus In cujus rei testimonium presenti scripto sigillum meum apposui Hiis testibus domino Johanne de Kyner milite Adam Marescallo de Segy Willelmo de Ramesay Ricardo de Nidyn et aliis