Charter Document - 07250047
| Charter Number: | 07250047 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 - 1253 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus has litteras visuris vel audituris Ricardus de Nidyn eternam in Domino salutem Noverit universitas vestra me concessisse et hac presenti carta mea confirmasse domui Sancte Marie de Balmurynach donacionem quam Hugo de Nidyn frater meus pro salute anime sue et omnium antecessorum et successorum suorum dedit et carta sua confirmavit predicte domui de Balmurynach et monachis ibidem Deo servientibus et in perpetuum servituris in puram et perpetuam elemosinam scilicet totum quarrarium meum de Nidyn ad frangendum et asportandum prout melius eis viderint expedire sine alicujus hominis contradiccione vel impedimento Concessi eciam eisdem monachis liberum iter per terram meam ad predictum quarrarium illud scilicet quod se extendit ab eodem quarrario per mediam villam de Nidyn ex parte occidentali capelle Sancti Gregorii usque ad vadum de Burglyn sicut illud predictus Hugo frater meus caruca sua me presente et Matheo Marscallo Adamo monacho et multis aliis tunc temporis ibidem mecum existentibus fecit attrectari Concessi eciam eisdem toftum unum in villa de Nidyn illud scilicet in quo mater mea et avia mea Gunnyld habitare solebant Sciendum est et quod predicti monachi viginti quatuor boves habebunt in communi pastura Et ego et heredes mei manu tenebimus et warantizabimus predictis monachis dictum quarrarium cum omnibus aisiamentis prenominatis contra omnes homines in perpetuum Hiis testibus Willelmo filio comitis Nicholao filio ejus Johanne de Hefax Symone de Kyner Thoma de Ledel Willelmo persona de Fliske magistro Adamo Simplici magistro Eustachio Alexandro de Ardifth Duncano de Ramesay Willelmo de Foreth Johanne de Blabolg et aliis