Charter Document - 07250044
| Charter Number: | 07250044 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1286 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Herveus de Dunde clericus canonicus Glasguensis salutem in Domino sempiternam Noverit universitas vestra me caritatis intuitu et pro salute anime mee Deo et Beate Marie et omnibus sanctis et viris religiosis de Balmurynach dedisse concessisse et hac presenti carta mea confirmasse domum meam cum orto quam nuper feci edificari Jacentem ex opposito contra domum monachorum de Cupro parum declinantem versus occidentem que sita est inter terram Hervei dicti Lamby ex parte occidentis et aliam terram ejusdem Hervei ex parte orientis quam quidem domum confero eis in perpetuum et successoribus suis salvo tamen mihi jure inhabitandi donec vixero In cujus rei testimonium presentibus sigillum meum apposui Hiis testibus Adam clerico meo et Adam Barbitonfore fratre meo Petro de Cupro de Dunde et multis aliis Datum in villa de Dunde in die beati Laurencii martiris anno Domini millesimo ducentesimo octogesimo sexto