Charter Document - 07250043
| Charter Number: | 07250043 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1278 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Sciant presentes et futuri quod ego Johannes de Haya miles dominus de Balcolmy dedi concessi et hac presenti carta mea confirmavi Adam Marescallo totam terram meam jacentem a parte orientali de Drumrawach in mora de Karale que quidem terra fuit quondam Walteri le Messager videlicet quam terram Willelmus de Galliston mihi reddidit per fustem et baculum pro se et heredibus suis super dictam terram die Sabbati proximo post festum Sancti Johannis Ante Portam Latinam anno gracie millesimo ducentesimo septuagesimo octavo coram viris fide dignis de baroniis istis videlicet Radulpho filio Matildis Johanne de Parth et Walleno burgensibus de Carale Johanne de Wardropa et Willelmo de Camboc de baronia de Carale Hugone Stalker et Maldun de baronia de Kyppok Willelmo Belle et David Belle de baronia de Ardoria Helya Truan et Thoma fabro de baronia de Carenbeyn et multis aliis ad feodandum dictum Adam et heredes suos vel suos assignatos seu assignatorum suorum assignatos Tenendam et habendam predicto Adam et heredibus suis vel suis assignatis seu assignatorum suorum assignatis de me et heredibus meis libere quiete plenaria hereditarie integre honorifice cum omnibus pertinenciis suis libertatibus et aisiamentis ad dictam terram spectantibus seu spectare valentibus in moris mariscis stagnis molendinis aquis pratis et pascuis semitis viis petariis et piscariis et in omnibus aliis rebus et locis aisiamentis et libertatibus ad predictam terram pertinentibus vel pertinere valentibus interius et exterius ubique et per omnia sine aliquo retine mento Reddendo inde annuatim ipse et heredes sui vel sui assignati seu assignatorum suorum assignati pro me et heredibus meis sex denarios argenti ad festum Sancti Martini in hieme pro omni alio servicio consuetudine exaccione seculari et demanda Dictus vero Adam et heredes sui et assignati sui seu assignatorum suorum assignati liberi et quieti erunt de hostagio et auxilio secta curie et maritagio warda et releviis et omni forinseco servicio consuetudine exaccione seculari et demanda et de omnibus aliis rebus et de mandis que de predicta terra exigi poterint vel requiri pro uno solo denario annuatim mihi et heredibus meis tantummodo ad Pentecosten