Charter Document - 07250041
| Charter Number: | 07250041 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1233 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus tocius terre sue salutem Sciant presentes et futuri nos dedisse concessisse et hac carta nostra confirmasse Waltero nuncio karissime domine matris nostre Ermengarde quondam Regine Scocie pro servicio suo triginta acras terre in mora de Karel propinquiores terris Ysaac de Drumrauach versus orientem Tenendas et habendas eidem Waltero et heredibus suis de nobis et heredibus nostris in feodo et hereditate et cum omnibus communibus aisiamentis ad easdem triginta acras terre pertinentibus libere quiete plenaria et honorifice Reddendo inde annuatim pro omni servicio ad festum Sancti Martini sex denarios Testibus Willelmo de Bondington cancellario Patricio comite de Dunbar Waltero filio Alani senescallo justiciario Scocie Waltero Olifard justiciario Laodonie Philippo de Mubray Henrico de Baillol Henrici de Breychin filio comitis Thome filio Ranulfi Davide de Brenwiul Apud Castrum Puellarum undecimo die Aprilis anno regni nostri domini Regis nono decimo