Charter Document - 07250040
| Charter Number: | 07250040 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1244 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus tocius terre sue salutem Sciant presentes et futuri nos concessisse et hac carta nostra confirmasse donacionem illam quam Symon de Kynner fecit pro salute anime et animarum domini Regis Willelmi patris nostri et domine Ermengarde Regine matris nostre necnon et pro salute animarum antecessorum et successorum suorum Deo et Beate Marie et monachis de Balmurynach in Fyf Deo servientibus et in perpetuum servituris de quadam terra in territorio de Catholach que dicitur terra Reginaldi in qua continetur quidam mons qui vocatur Torcatholach Tenendam et habendam eisdem monachis in perpetuum per suas rectas divisas cum omnibus libertatibus et aisiamentis suis de dicto Symone et heredibus suis in liberam puram et perpetuam elemosinam ita libere et quiete sicut carta dicti Symonis inde plenius confecta predictis monachis de Balmurynach juste testatur salvo servicio nostro Testibus Johanne abbate de Lundoris Johanne de Haia Nicholao de Sulys Willelmo Giffard Johanne de Kynros Galfrido de Boscho Apud Balmurynach ultimo die Augusti anno regni domini Regis tricesimo