Charter Document - 07250039
| Charter Number: | 07250039 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1238 - 1244 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Symon de Kynner eternam in Domino salutem Noverit universitas vestra me pro salute anime mee et pro animabus illustris Regis Willelmi et Hermengardis Regine et pro animabus patris mei et matris mee et omnium antecessorum et successorum meorum dedisse et concessisse et hac presenti carta mea confirmasse Deo et Beate Marie et monachis de Balmurynach in Fyf Deo servientibus et in perpetuum servituris in puram quietam et perpetuam elemosinam quandam terram in territorio Catholach que dicitur terra Reginaldi in qua continetur quidam mons qui vocatur Torcatholach per suas rectas divisas cum omnibus libertatibus et aisiamentis in pratis et pascuis moris et mariscis stagnis aquis et molendinis et omnibus aliis pertinenciis Tenendam et habendam de me et heredibus meis in perpetuum adeo libere quiete plenaria et honorifice ab auxiliis exercitibus talliagiis et omnibus exaccionibus consuetudinibus et serviciis secularibus sicut aliqua elemosina liberius et quiecius plenius et honorificencius in regno Scocie tenetur aut possidetur Et predicti monachi habebunt in communi pastura ducentas oves et si communi pastura ad tot non sufficiat ego et heredes mei de dominico meo in Catholach insufficienciam adimplebimus Et ego et heredes mei manu tenebimus et warantizabimus et defendemus dictis monachis predictam terram contra omnes homines in perpetuum ut nullus omnino possit a predictis monachis aliquid exigere vel extorquere preter solas orationes Hiis testibus Adam archidiacono Sancti Andree Willelmo decano de Fyf Hugone capellano de Kilmany Laurencio de Abirnethi Johanne de Haya vicecomite de Fif Henrico de Dundemor Neso de Ramesay et multis aliis