Charter Document - 07250037
| Charter Number: | 07250037 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 - 1241 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Malcolmus comes de Fyff eternam in Domino salutem Noverit universitas vestra me dedisse et concessisse et hac presenti carta mea confirmasse Deo et Beate Marie et Sancto Edwardo de Balmurynach in Fyff et monachis ibidem Deo servientibus totam aquam que currit de molendino meo de Rathulith per suum antiquum cursum quo currere solebat ad molendinum de Ballindan temporibus Henrici Riuel et Ricardi Reuel in puram et perpetuam elemosinam Tenendam et habendam de me et heredibus meis in perpetuum adeo libere et quiete sicut aliqua elemosina in regno Scocie liberius et quiecius habetur vel possidetur ut ea utantur sicut eis melius et utilius visum fuerit sine aliqua exaccione contradiccione et molestia mei vel heredum meorum et hominum meorum Preterea concessi eisdem monachis ut fodiant turvas ad eundem cursum reparandum quociens necesse fuerit et hoc sine jactura et dampna alicujus terre mee arabilis et pratorum meorum Et ego et heredes mei predictis monachis de Balmurynach predictam aquam contra omnes homines warantizabimus Et in hujus rei testimonium presens scriptum sigilli mei munimine roboravi Hiis testibus Alexandro Dei gracia Rege Scocie Willelmo de Ros Davide de Lindesai Johanne de Hay Nesio de Ramesai Roberto Billet Davide de Berneham camerario domini Regis Roberto vicario de Nordberewike et aliis