Charter Document - 07250036
| Charter Number: | 07250036 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 - 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Herveyus filius Humfridi Wllebeter de Forfar et Helewisa soror ejus salutem Noverit universitas vestra nos vendidisse et hac presenti carta nostra confirmasse abbati et conventui de Balmurynach medietatem terre que jacet inter terram Gilleberti filii Ysaac ex una parte et inter terram Gilfali Machardi clientis domini Regis ex altera parte Tenendam et habendam et possidendam in perpetuum de nobis et heredibus nostris adeo libere et quiete plenaria et honorifice sicut aliqua terra in regno Scocie plenius quiecius et honorificencius de baronia in aliquo burgo tenetur vel possidetur Reddendo inde annuatim Helewise et heredibus suis tres denarios scilicet ad festum Sancti Michaelis pro omni servicio consuetudine exaccione et demanda et nos manu tenebimus et warantizabimus terram illam predictis abbati et conventui contra omnes homines in perpetuum Et ad majorem securitatem commune sigillum burgensium ville de Forfar huic scripto fecimus apponi Hiis testibus domino Roberto de Monte Alto Johanne de Haudene Nicholao preposito Laurencio clerico Willelmo fabro Jordano filio Randekyn Rogero forestario Gilberto filio Ysaac Gilfali Machardi et multis aliis