Charter Document - 07250034

Anno gracie millesimo trecentesimo septimo decimo die Martis in festo Sancte Petronille virginis apud Dunde facta est hec convencio inter religiosos viros fratrem Alanum abbatem de Balmurynach et ejusdem loci conventum ex una parte et Gregorium de Schyrham burgensem de Dunde ex altera videlicet quod dicti abbas et conventus dederunt concesserunt et presenti instrumento confirmaverunt predicto Gregorio duas perticatas terre burgagii jacentes in burgo dicto inter terram Hervei de Duny ex parte orientali ex una parte et terram Symonis de Venella ex parte occidentali ex parte altera Tenendas et habendas predicto Gregorio et suis heredibus vel suis assignatis in feodo et hereditate cum dictis suis divisis et pertinenciis et omnibus libertatibus commoditatibus et aisiamentis ad dictam terram spectantibus aut aliquo jure fpectare valentibus Reddendo inde annuatim predictis viris religiosis quadraginta solidos sterlingorum ad duos anni terminos videlicet viginti solidos ad festum Pentecostes et viginti solidos ad festum Sancti Martini in yeme et dictus Gregorius et heredes sui vel sui assignati solvent omnia alia onera dictam terram contingencia Prefati vero abbas et conventus de Balmurynach predictas duas perticatas terre burgagii cum suis pertinenciis ut predictum est memorato Gregorio et heredibus suis vel assignatis contra omnes homines et feminas warantizabunt acquietabunt et in perpetuum defendent In cujus rei testimonium parti hujus instrumenti penes predictum Gregorium sigillum prenominati Alani abbatis de Balmurynach una cum sigillo communi capituli ejusdem est appensum et parti hujus instrumenti residenti penes prefatos abbatem et conventum sigillum dicti Gregorii una cum sigillo communitatis predicti burgi de Dunde est appositum