Charter Document - 07250033
| Charter Number: | 07250033 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1281 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus Christi fidelibus presentes literas inspecturis Johannes de Rivulo burgensis de Dunde salutem in Domino Noveritis me dedisse et concessisse de me et heredibus meis vel assignatis Henrico dicto Hastings filio quondam Alberti burgensis de Dunde et heredibus suis seu assignatis quandam terram meam ad feodo firmam quam habeo in villa de Dunde sitam videlicet inter terram dicti Henrici ex parte occidentali et terram quam Gilbertus dictus Gudgib et Emma quondam filia Petri de Albo Campo sponsa ejusdem Gilberti tempore confectionis presencium tenuerunt ex parte orientali in via maris de Dunde Reddentes pro dicta terra annuatim dictus Henricus heredes sui vel assignati mihi et heredibus meis sive assignatis septem solidos bonorum et legalium sterlingorum ad duos terminos anni videlicet tres solidos et sex denarios ad Pentecosten et tres solidos et sex denarios ad festum Sancti Martini in hyeme et facient et solvent pro eadem terra quicquid fieri vel solvi debet aut debebit In cujus rei testimonium ad instanciam utriusque partis huic litere in modum chyrographi confecte sigillum communitatis est appositum Data fuit hec litera die Martis proxima post festum Ascencionis Dominice anno gracie millesimo ducentesimo octogesimo primo Hiis testibus Radulpho de Dunde Waltero de Waineflet Alano de Pollis Herveo Lambi Ricardo de Lambiston J Ruffo clerico et aliis