Charter Document - 07250027
| Charter Number: | 07250027 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1289 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Johannes de Moravia filius domini Malcolmi de Moravia salutem in Domino Noveritis me pro me et heredibus meis caritatis intuitu quietum clamasse abbati et conventui de Balmurynach omne jus et clamium quod ego vel heredes mei habuimus vel aliquo tempore habere potuimus in illa terra in vico aque de Perth quam Laurencius filius Wydonis dictis abbati et conventui vendidit Ita quod nec ego aut heredes mei aut aliquis nomine meo aut heredum meorum in dicta terra hostillagium aut aliquid aliud jus poterimus vendicare Ego prefatus Johannes pro salute anime mee et heredum meorum dedi et concessi et hac presenti litera confirmavi dictis abbati et conventui de Balmurynach quandam partem terre in vico aque de Perth versus Insulam extendentem adjacentem proximo et immediate ex parte aquilonari prefate terre dictorum abbatis et conventus quam quidem partem terre Willelmus faber burgensis de Perth domino Malcolmo de Moravia patri meo in sua necessitate vendidit prout in carta dicti Willelmi prefato domino Malcolmo patri meo de dicta parte terre confecta plenius continetur Quam quidem cartam dictis abbati et conventui sursum reddidi In horum omnium testimonium et securitatem presenti scripto sigillum meum apposui Datum apud Rossi in Angus in crastino apostolorum Symonis et Jude anno gracie millesimo ducentesimo octogesimo nono Hiis testibus domino Alexandro Comyn Willelmo de Moravia herede meo Johanne de Perth Johanne Haylbot burgensibus de Perth Ricardo de Fodi Thoma Kayr et multis aliis fide dignis