Charter Document - 07250025

Universis sancte matris ecclesie filiis ad quos litere iste pervenerint Laurencius filius Widonis eternam in Domino salutem Noverit universitas vestra me de bona voluntate et assensu Henrici filii mei et heredis et omnium aliorum liberorum meorum vendidisse et concessisse et hac mea carta confirmasse domino abbati et conventui de Sancto Edwardo de Balmurynach in Fyff unam terram meam quam de domino episcopo Dunkeldensi in villa de Perth in vico qui ducit ad Insulam tenui scilicet illam quam Gilbertus Parvus dedit mihi cum filia sua in matrimonium que propinquior jacet inter Dernulsum tinctorum et Alanum tannatorem hanc prenominatam terram concessi predicto abbati et conventui de Balmurynach Tenendam et habendam et possidendam in perpetuum ita libere et quiete plene et honorifice sicut aliqua burgagia liberius quiecius plenius et honorificencius in villa de Perth tenetur aut possidetur Et ipsi monachi utentur ea sicut eis melius et utilius visum fuerit soluta et quieta ab omni servicio et consuetudine et exaccione seculari et demanda Reddendo annuatim domino episcopo Dunkeldensi et ejus successoribus unam libram piperis tantum ad festum Sancti Petri ad Vincula pro omni servicio Ut autem hec vendicio et convencio rata fit et firma et ex utraque parte firmiter fit roborata quia sigillum proprium non habui ad peticionem meam et heredum meorum et instanciam commune sigillum ville de Perth coram prepositis et probis hominibus tocius ville testimonium perhibentibus feci apponi Hiis testibus magistro Johanne vicario Henrico filio Galfridi Olberto Redberth Dernaldo tinctore Jacobo filio Jacobi filii Uttredi et Jacobo patre ejus Ricardo de Leicestria Roberto filio Fulconis Johanne filio Leue Willelmo tinctore Willelmo Sper Johanne Albo Willelmo Cokin et aliis