Charter Document - 07250023
| Charter Number: | 07250023 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1227 - 1241 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Walterus filius Alani senescallus Scocie salutem Noverit universitas vestra nos dedisse concessisse et hac carta nostra confirmasse Deo et ecclesie Beate Marie et Sancti Edwardi de Balmurynach in Fiff et monachis ibidem Deo servientibus unam terram in burgo de Perth illam scilicet que jacet inter terram que fuit Suartebrand et terram illam quam Benedictus filius Jacobi tenuit de nobis in villa de Perth Tenendam et habendam eisdem monachis in perpetuum de nobis et heredibus nostris in feodo perpetuo ita libere et quiete sicut aliqua terra burgagii ab aliquo barone in eodem burgo de Perth liberius quiecius et plenarium tenetur Reddendo inde annuatim robis et heredibus nostris duas libras piperis et duas cymini ad festum Apostolorum Petri et Pauli Hiis testibus domino Johanne Comyn domino Adamo Walen et Ricardo Crispin militibus nostris Willelmo et Adamo capellanis nostris Malcolmo de Cloni Waltero clericis nostris Willelmo Scoto Johanne de La Bataile et aliis