Charter Document - 07250022
| Charter Number: | 07250022 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1229 - 1241 |
| Date type: | Assigned |
| Resource Link(s): |
People of Medieval Scotland |
Charter:
Omnibus has literas visuris vel audituris Ricardus de Leicestria burgensis de Perth eternam in Domino salutem Noverit universitas vestra me dedisse concessisse et hac presenti carta mea confirmasse Deo et ecclesie Sancte Marie et Sancti Edwardi de Balmurynach et monachis ibidem servientibus et in perpetuum servituris unam terram in burgo de Perth illam videlicet quam emi de Agnete filia Swatebrand que jacet inter terram predictorum monachorum et terram Willelmi Wyteberd in vico Sellariorum Tenendam et habendam de me in tota vita mea libere et quiete Reddendo inde mihi annuatim duas marcas argenti et dimidiam ad duos terminos scilicet ad Pentecosten xvj solidos et viij denarios ad festum Sancti Martini xvj solidos et viij denarios pro omni servicio consuetudine et exaccione Post discessum vero meum volo ut predicta terra remaneat monachis de Balmurynach pro anima mea soluta et quieta ab omni servicio seculari et exaccione et demanda in perpetuum salvo servicio domini Regis ad tantam terram pertinente Et ut hec mea donacio et concessio et carte mee confirmacio recta et inconcussa permaneat presens scriptum sigilli mei et communis sigilli burgensium de Perth munimine roboravi Hiis testibus magistro Roberto de Leycestria Willelmo de Dunde Johanne de La Bataile Johanne filio Leve Henrico filio Galfridi Roberto filio Fulconis et multis aliis