Charter Document - 07250021
| Charter Number: | 07250021 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1222 - 1227 |
| Date type: | Assigned |
| Resource Link(s): |
People of Medieval Scotland |
Charter:
Walterus filius Alani domini Regis Scocie senescallus omnibus amicis et hominibus suis tam presentibus quam futuris salutem Sciant presentes et futuri me dedisse concessisse et presenti carta mea confirmasse Roberto filio Uttredi de Baltrod illam terram burgagii que est inter domum Swartebrand et terram illam quam Benedictus filius Jacobi tenet de me in villa de Perth Tenendam et habendam sibi et heredibus suis de me et heredibus meis in feodo et hereditate ita libere et quiete sicut aliqua terra burgagii ab aliquo barone in eodem burgo de Perth liberius et quiecius tenetur Reddendo inde annuatim mihi et heredibus meis duas libras piperis et duas libras cymini Hiis testibus Ricardo et Roberto capellanis domini Regis Davit de Lyndeseia Rogero filio Glay Symone et Alano Croch fratribus Roberto et Henrico de Mungumery fratribus Thoma de Strivelyn archidiacono Glascuensi Gilberto et Andree clericis de Strivelyn et multis aliis