Charter Document - 07250018
| Charter Number: | 07250018 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1286 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod ego Hugo de Kilmanyn dedi concessi et hac presenti carta confirmavi Deo et monasterio Sancte Marie de Balmurynach et fratribus ibidem Deo servientibus et in perpetuum servituris in puram et perpetuam elemosinam pro salute anime et antecessorum meorum sex acras terre arabilis in occidentali villa de Kynner cum quadam area ad construendum edificium ubi domus esse consuevit quam Mertham filius Mertham tenuit unacum crofto propinquiores le Brigflath ex parte occidentali Tres scilicet acras tendentes de domo predicta usque ad alteram viam et tres acras ex occidentali parte domus predicte tendentes usque ad mariscum cum communi pastura octoginta ovium cum sequela sua unius anni et quatuor boum et quatuor vaccarum et duorum equorum Tenendas et habendas de me et heredibus meis in pura et perpetua elemosina ita libere et quiete pacifice honorifice et integre sicut aliquis liber homo terram suam alicui monasterio in regno Scocie liberius et quiecius dare poterit et concedere cum libero introitu et exitu ad pasturam et cum aliis omnibus pertinenciis commodis et aisiamentis ad dictam terram spectantibus tam infra villam quam extra Reddendo inde annuatim hospitali Sancti Johannis Baptiste de Jerusalem duodecim denarios pro omni exaccione et demanda Et ut hec mea donacio concessio et confirmacio rata et stabilis semper permaneant hoc presens scriptum sigilli mei munimine roboravi Hiis testibus Johanne de Kynner milite Willelmo de Foreth Willelmo de Ramesay de Clatty Michaele de Strivelyne Thoma Cnuth burgensibus Sancti Andree cum communitate ejusdem ville et aliis fide dignis quam pluribus