Charter Document - 07250017
| Charter Number: | 07250017 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1286 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Johannis de Kynner miles salutem Sciatis nos concessisse et hac carta nostra confirmasse Deo et Beate Marie et monachis de Balmurynach in Fyff Deo servientibus et in perpetuum servituris donacionem illam quam Hugo de Kilmanyn fecit eisdem de sex acris terre in occidentali villa de Kynner cum quadam domo et crofto et cum communi pastura octoginta ovium cum sequela sua unius anni et quatuor boum et quatuor vaccarum et duorum equorum sicut in carta dicti Hugonis plenius continetur Tenendas et habendas eisdem monachis et suis successoribus in perpetuum adeo libere quiete plenaria et honorifice sicut carta prefati Hugonis dictis monachis exinde confecta plenius testatur In cujus rei testimonium huic scripto sigillum nostrum apposuimus Datum apud Balmurynach in crastino translacionis Sancti Martini episcopi anno Domini millesimo ducentesimo octogesimo sexto