Charter Document - 07250016
| Charter Number: | 07250016 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris ego Symon filius Symonis de Kynner salutem Noverit universitas vestra me dedisse et concessisse et hac presente carta mea confirmasse Deo et Beate Marie et hospitali Sancti Johannis Baptiste de Jerusalem et fratribus ibidem Deo servientibus pro animabus patris mei et matris mee et pro animabus antecessorum meorum et pro me et uxore mea et pro heredibus meis et pro omnibus pueris meis sex acras terre in occidentali villa de Kynner cum quadam domo quam Mertham filius Mertham tenuit cum crofto propinquiores le Brigflat ex parte occidentali Tres scilicet acras tendentes de domo usque ad alteram viam et tres acras ex occidentali parte domus tendentes usque ad mariscum cum communi pastura octoginta ovium cum sequela sua unius anni et quatuor boum et quatuor vaccarum et duorum equorum Tenendas et habendas de me et heredibus meis in pura et perpetua elemosina ita libere et quiete pacifice honorifice et integre sicut aliqua terra ejusdem hospitalis in regno Scocie liberius et quiecius tenetur et possidetur cum libero exitu et introitu line aliqua contradictione mei vel heredum meorum Ita tamen quod Hugo de Kilmanyn amicus meus specialissimus et necessarius et heredes sui vel sui assignati quibus istam terram dederint vel vendiderint predictam terram istam cum predictis libertatibus et aisiamentis pacifice teneant de predicto hospitali et possideant Reddendo annuatim predicto hospitali duodecim denarios Ego vero et heredes mei predictam domum cum predictis sex acris terre vel aliam domum et alias sex acras terre in orientali villa de Kynner domum scilicet propinquiorem domo quam Mertham tenuit cum crofto et duas acras cum croftis sub domo tendentes usque ad viam et quatuor acras sub via tendentes usque ad mariscum cum prenominatis pertinenciis et libertatibus et aisiamentis fratribus predicti hospitalis contra omnes homines et feminas in perpetuum warantizabimus et defendemus Et ut hec mea donacio et concessio et confirmacio rata et inconcusse permaneant hoc presens scriptum sigilli mei munimine roboravi Hiis testibus domino Henrico de Dundemor domino Johanne de Dundemor domino Johanne de Esex domino Willelmo persona de Flikke Almario de Ramefay Alexandro de Ardiste Willelmo de Foret Adamo capellano et aliis multis