Charter Document - 07250013

Universis Christi fidelibus hoc scriptum visuris vel audituris Symon de Kynner eternam in Domino salutem Noverit universitas vestra me pro salute anime mee de assensu Amie uxoris mee et pro animabus illustris Regis Willelmi et Hermengardis Regine et Alexandri Regis filii eorum et pro animabus patris mei et matris mee et omnium antecessorum meorum dedisse et concessisse et hac presenti carta mea confirmasse Deo et Beate Marie et monachis de Balmurynach in Fyf Deo servientibus et in perpetuum servituris in puram quietam et perpetuam elemosinam totam medietatem terre in feodo de Kynner per suas rectas divisas Incipientes scilicet ex parte occidentali de Kynner videlicet a Glac usque ad rupem et sic descendendo usque ad fontem et a fonte usque in Mothric per antiquas divisas et sic usque in Kethyn ascendendo usque ad locum molendini cum libertate et aisiamento ejusdem aque ad molendinum faciendum et deinde ascendendo usque ad crucem et de cruce per Kethyn usque ad magnum lapidem et de lapide usque ad collem et de colle usque ad Glac Dedi eciam eis terram proximam adjacentem ex parte orientali de Kynner in puram et perpetuam elemosinam per suas rectas divisas scilicet a loco molendini ascendendo per sicum circueundo Inchelyn et Wetslac et sic ascendendo ad fontem de Langfide et sic ascendendo ad albam rupem ex parte orientali de Cragnegren et sic procedendo per rectas divisas usque ad fontem de Munbuche et sic de Munbuche usque ad Glac et sic descendendo ad Kethyn occidentalem per rectas divisas usque ad albam crucem et sic per rivulum descendendo per locum antiqui molendini usque in mariscum Quas terras ego et heredes mei predictis monachis warantizabimus manu tenebimus et defendemus contra omnes homines et feminas in perpetuum Tenendas et habendas de me et heredibus meis cum omnibus libertatibus et pertinenciis et aisiamentis in pratis et pascuis moris et mariscis aquis stagnis et molendinis et omnibus aliis libertatibus et pertinenciis ad dictas terras spectantibus sive de jure ad ipsas spectare valentibus tam non nominatis quam nominatis et adeo libere et quiete ab omnibus auxiliis exactionibus talliagiis exercitibus consuetudinibus et serviciis secularibus plenaria et honorifice sicut aliqua elemosina liberius plenius et honorificencius in regno Scocie tenetur vel possidetur cum pastura communi ad eandem terram pertinente exceptis sex acris terre que pertinent ad hospitale et duabus acris prati que pertinent ad dominum dicte terre qui pro tempore fuerit ex parte occidentali Et sciendum quod ad hanc donacionem supradictam concessionem et confirmacionem concedendam et conservandam ego Symon et Amya uxor mea non vi nec aliquo metu coacta plenaria affidavimus et tactis sacrosanctis juravimus et nos pro nobis et heredibus nostris jurisdictioni domini episcopi Sancti Andree et ejus officialium subicimus qui pro tempore fuerint ut habeant protestatum nos et heredes nostros excommunicandi vel terras nostras interdicendi et restitucionem in nos faciendi per omnia bona nostra mobilia et immobilia in quocunque loco fimus inventi vel bona nostra mobilia et immobilia fuerint inventa si ego Symon de Kynner vel Amia uxor mea vel heredes nostri contra hanc donacionem concessionem et presentis scripti confirmacionem in aliquo puncto vel articulo contravenire presumpserimus Renunciantes pro nobis et heredibus nostris omnis juris beneficio civili et canonico fori privilegio omnibus impetratis et impetrandis Volumus eciam ut nulla regia potestas neque dominium domini in aliquo articulo contra predicta nobis nec heredibus nostris possit valere Si vero contigerit predictos monachos aliquo casu vel aliqua calumpnia contingente se predictis terris cum omnibus pertinenciis suis vel homines suos ibi manentes aliquid amittere vel jacturas incurrere nos et heredes nostri per estimacionem virorum valorem terre predicte in tenemento de Kynner predictis monachis de Balmurynach infra quadraginta dies sine aliqua dilacione cavillacione plenaria restaura bimus Et ad majorem securitatem faciendam ego Symon presenti scripto sigillum meum apposui Hiis testibus magistro Eustachio de Scelford domino Willelmo persona de Flisk Petro clerico constabulario de Lokris Symone Pecipas et multis aliis