Charter Document - 07250012
| Charter Number: | 07250012 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1243 - 1260 |
| Date type: | Assigned |
| Resource Link(s): |
People of Medieval Scotland |
Charter:
Universis Christi fidelibus hoc scriptum visuris vel audituris Symon de Kinner eternam in Domino salutem Noverit universitas vestra me pro salute anime mee et pro animabus illustris Regis Willelmi et Ermengardis Regine et Alexandri Regis filii eorum et pro animabus patris mei et matris mee et omnium antecessorum meorum dedisse et concessisse et presenti carta mea confirmasse Deo et Beate Marie et monachis de Balmurynach in Fif Deo servientibus et in perpetuum servituris in puram quietam et perpetuam elemosinam quandam terram in feudo de Kynner per rectas divisas Incipientes ex parte occidentali de Kynner scilicet a Glac usque ad rupem et sic descendendo usque ad fontem et a fonte usque in Mothric per antiquas divisas et sic usque in Kethyn ascendendo usque ad locum molendini cum aisiamento ejusdem aque ad molendinum faciendum et deinde ascendendo usque ad crucem et de cruce per Kethyn usque ad magnum lapidem et de lapide usque ad collem et de colle usque ad Glac cum omnibus libertatibus et aisiamentis in pratis et pascuis moris et mariscis stagnis aquis et molendinis et omnibus aliis pertinenciis Tenendam et habendam de me et heredibus meis in perpetuum adeo libere quiete plenaria et honorifice ab auxiliis exercitibus talliagiis et omnibus exaccionibus consuetudinibus et serviciis secularibus sicut aliqua elemosina liberius quiecius plennius et honorificencius in regno Scocie tenetur aut possidetur cum communi pastura pertinenti ad eandem terram exceptis sex acris terre que pertinent ad hospitale et duabus acris prati que pertinent ad dominum ex parte occidentali Ego vero et heredes mei manu tenebimus et warantizabimus et defendemus dictis monachis predictam terram contra omnes homines in perpetuum ut nullus omnino possit a predictis monachis aliquid exigere vel extorquere preter solas orationes Et si contigerit predictos monachos aliquo casu vel aliqua calumpnia contingente de predicta terra cum omnibus pertinenciis suis aliquid amittere vel jacturam incurrere ego et heredes mei per estimacionem virorum fidelium valorem terre predicte in tenemento de Kynner plenaria eis restaura bimus Hiis testibus domino Willelmo persona de Fliske domino Adamo capellano de Kilmanyn domino Roberto dicto de Cullessin capellano de Fliske domino Willelmo capellano de Lokris Alano Surale Henrico Mare et multis aliis