Charter Document - 07250010
| Charter Number: | 07250010 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1242 - 1244 |
| Date type: | Assigned |
| Resource Link(s): |
People of Medieval Scotland |
Charter:
Alexander Dei gracia Rex Scottorum omnibus probis hominibus tocius terre sue salutem Sciant presentes et futuri nos ad honorem Dei et gloriose Virginis Marie et pro salute omnium antecessorum et successorum nostrorum necnon et pro salute Ermengardis Regine matris nostre dedisse concessisse et hac carta nostra confirmasse domui Sancte Marie de Balmurynach in Fyf et monachis Cisterciensis ordinis ibidem Deo servientibus et in perpetuum servituris terras de Petgornoc et de Drundol in Fyf quas Malcolmus comes de Fyf dedit Marjerie cognate nostre in ex cannonicum terrarum de Strathurd et de Strabraun quas dominus Willelmus Rex pater noster dedit predicte Marjerie in liberum maritagium Tenendas et habendas eisdem monachis post decessum dicte Marjerie comitisse in liberam puram et perpetuam elemosinam per suas rectas divisas et cum omnibus justis pertinenciis suis in bosco et plano in terris et aquis in pratis et pascuis in moris et mariscis in stagnis et molendinis et omnibus aliis aisiamentis et libertatibus ad predictas terras juste pertinentibus ita libere quiete plenaria et honorifice sicut aliqua elemosina in regno nostro liberius quiecius plenius et honorificencius tenetur et possidetur Testibus venerabilibus patribus David et Galfrido et Clemente Sancti Andree Dunkeld et Dunblanen episcopis Rogero abbate de Neubotil Roberto abbate de Dunfermlyn Patricio comite de Dunbar Waltero Comyn comite de Menynteth Dauid de Lindesay justiciario Laodonie Thoma filio Ranulfi Apud [] die Martis anno regni domini Regis []