Charter Document - 07250009
| Charter Number: | 07250009 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1233 - 1239 |
| Date type: | Assigned |
| Resource Link(s): |
People of Medieval Scotland |
Charter:
Omnibus presentes literas visuris vel audituris Radulfo Dei gracia Abbas Monasterii Sancti Thome Martiris de Aberbroth et ejusdem loci conventus eternam in Domino salutem Noverit universitas vestra quod cum dilecti fratres Abbas et Conventus Monasterii Sancti Edwardi de Balmurynach nobis et Monasterio nostro singulis annis tenerentur ad solucionem quadraginta marcarum scilicet de Ecclesia de Lochmureue quam eis auctoritate et assensu venerabilis patris nostri Willelmo Dei gracia Sancti Andree episcopi ad firmam perpetuam dimisimus Rex illustris Alexander dominus noster utrumque monasterium aliud patris aliud matris ejus sepulcro insignitum speciali quodam affectu et favore diligens sic alterum eorum in hac parte decernit exonerare et alterius indemnitati providere ut omnis exaccionis et disceptacionis occasio inter ea perpetuo silentio sopiretur et firma pacis concordia inviolabiliter confirmaretur Deo igitur inspirante tam pio quam prudenti utens consilio predictas quadraginta marcas nobis alibi in loco competenti sicut ejus carta nobis inde collata testatur assignavit percipiendas Ita quod de illa assignacione fatis contenti et bene pacati predictos fratres nostros de Balmurynach et eorum successores pro nobis et successoribus nostris de obligatione illarum xl marcarum nobis facta penitus absoluimus et quietos in perpetuum clamauimus Concedentes eis nihilominus ut predictam ecclesiam de Lochmureue teneant et habeant in perpetuum cum omnibus pertinenciis et juribus et libertatibus sine aliqua exceptione et retine mento ad eandem ecclesiam pertinentibus Nos vero et successores nostri respondebimus de omnibus episcopalibus et aliis oneribus ad dictam ecclesiam de Lochmureue spectantibus Ita tamen quod capellanus qui eidem ecclesie deserviet habebit unam bovata terre in eodem territorio sibi assignatam per suas rectas divisas sicut in inicio pacis inter nos facte quando dictam ecclesiam ad perpetuum eis firmam dimisimus perambulata fuit a domino Jocelino de Ballendard et Nicholaio de Yneverpepher et multis aliis viris discretis Et in hujus rei testimonium presenti scripto una cum sigillo abbatis sigillum capituli nostri autenticum apposuimus testibus capitulo nostro et multis aliis