Charter Document - 07250007
| Charter Number: | 07250007 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1233 - 1241 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Laurentius de Habrenith filius Orm eternam in Domino salutem Noverit universitas vestra me in presencia domini Alexandri Dei gracia illustris Regis Scocie pro salute anime mee et uxoris mee et animabus omnium antecessorum meorum et successorum meorum resignasse et quietam clamasse pro me et heredibus meis in perpetuum Deo et Beate Marie et Sancto Edwardo de Balmurynach in Fif et monachis Cisterciensis ordinis ibidem Deo seruientibus et in perpetuum servituris totam terram de Cultrach et de Balnedan et de Balnedart et de Cortiby et de Balmurynach in qua monasterium eorum fundatum est et totum jus quod ego et heredes mei in eisdem terris habuimus vel habere potuimus Quare volo et concedo quod predicti monachi predictas terras cum omnibus pertinenciis suis habeant et teneant in puram et perpetuam elemosinam adeo libere quiete plenaria et honorifice sicut aliqua elemosina in regno Scocie liberius quietius plenius et honorificentius tenetur aut possidetur Pro hac autem resignacione et quieta clamacione bone memorie Ermegardis quondam illustris Regina Scocie volens in hac parte predictos monachos perpetua pace gaudere mihi ducentas marcas persolvi mandavit quas ab executoribus testamenti sui plenaria recepi Et in hujus rei testimonium presens scriptum sigilli mei munimine roboravi Hiis testibus Alexandro Dei gracia Rege Scottorum Willelmo eadem gracia episcopo Glasguensi ejusdem regis cancellario Andree Dei gracia episcopo Morevense Waltero filio Alani justiciario Scocie Abbate de Melros Abbate de Cupro Malcolmo comite de Fyf David de Lindesei Johanne de Hay vicecomite de Fyf et aliis