Charter Document - 07250004
| Charter Number: | 07250004 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1225 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Adam de Stawelle frater et heres Ricardi Reuel salutem in Domino Noverit universitas vestra me in curia domini Regis Alexandri apud Forfar die dominica proxima post festum sancti Dionisii anno gracie MCCXXV resignasse et quietas clamasse et abjurasse pro me et heredibus meis in perpetuum Ermegarde Regine et matre domini Regis Alexandri terras de Cultrach et de Balmurinach in Fif cum advocatione ecclesie de Balmurinach et terra de Ardint in dominicis et seruiciis cum omnibus libertatibus et pertinenciis ad predictas terras pertinentibus sine ullo retine mento Totum eciam jus quod ego et heredes mei in predictis terris habuimus vel habere potuimus resignavi pro me et heredibus meis per fustum et baculum in manu dicte domine Ermegarde matris dicti domini Regis Alexandri ita quod liceat eidem regine in quoscunque usus voluerit predictas terras assignare non obstante aliqua contradictione mei vel heredum meorum Et ut hec mea resignacio et quieta clamacio et abjuratio perpetuam obtineant firmitatem hoc scriptum sigilli mei apposicione roboravi Hiis testibus domino Gregorio Brechinensi episcopo Thoma de Strivelin archidiacono Glasguensi Radulfo de Tounei Hingelranno de Baillol Radulfo Bigod Henrico de Strivelin Henrico de Brechin filiis comitis David David de Haia Gilberto Adam et Thoma filio Ranulfi clericis domini Regis et multis aliis