Charter Document - 07250001
| Charter Number: | 07250001 |
|---|---|
| Cartulary Title: | Liber Sancte Marie de Balmorinach |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1231 |
| Date type: | Internal, Calendar, Regnal |
| Resource Link(s): |
People of Medieval Scotland Models of Authority |
Charter:
Alexander Dei gracia Rex Scottorum episcopis abbatibus comitibus baronibus justiciis vicecomitibus prepositis ministris et omnibus probis hominibus tocius terre sue clericis et laicis salutem Sciant presentes et futuri nos ad honorem Dei et gloriose Virginis Marie et sanctissimi Regis Eduuardi et ad exaltacionem sancte religionis pro salute nostra et omnium antecessorum et successorum nostrorum et pro animabus illustris Regis Willelmi patris nostri et Ermengardis Regine matris nostre et omnium antecessorum et successorum nostrorum quandam abbaciam Cisterciensis ordinis fundasse apud Balmurynach in Fyff Nosque monachis ipsius ordinis ibidem Deo seruientibus et in perpetuum servituris dedisse et concessisse et hac carta nostra confirmasse totam terram de Cultrach et Balmurynach in Fyff cum omnibus pertinenciis suis scilicet Ballindan et Ballindard et Corbi per suas rectas divisas et cum omnibus aliis ad predictas terras juste pertinentibus Quas eciam Adam de Stawel frater et heres Ricardi Reuel nobis ad opus domine Ermengardis Regine matris nostre in plena curia nostra apud Forfar quietas clamavit et in manu nostra pro se et heredibus suis per sustum et baculum resignavit Concessimus eciam prefatis monachis Cisterciensis ordinis ad fundacionem prenominate abbacie Fethmure in Anegus per suas rectas divisas cum omnibus justis pertinenciis suis Et nos et heredes nostri manu tenebimus et warantizabimus predictis monachis predictas terras cum omnibus pertinenciis et libertatibus suis in perpetuum contra omnes homines Quare volumus ut predicti monachi omnes predictas terras habeant et teneant de nobis et successoribus nostris in liberam puram quietam et perpetuam elemosinam in terris et aquis in pratis et pascuis in moris et mariscis in stagnis et molendinis in viis et semitis in salinis et piscariis et omnibus aliis aisiamentis ad predictas terras juste pertinentibus ita libere et quiete plenaria et honorifice sicut aliqua elemosina liberius et quietius plenius et honorificencius ab auxiliis exercitibus talliagiis tolleniis et omnibus exaccionibus consuetudinibus et serviciis secularibus in regno Scocie tenetur aut possidetur Ita quod nichil horum omnino preter folas orationes ab eis per totum regnum Scocie possit exigi Testibus Andree episcopo Moravie Waltero Cumin comite de Meninteh Waltero Olyfard justiciario Laodonie Waltero filio Alani senescallo et justiciario Scocie comite Patricio Henrico de Ballol Thoma de Haya Johanne et Waltero fratribus suis Thoma filio Randulfi Galfrido et Willelmo de Nithyn clericis nostris Apud Clacmanan tercia die Februarii anno regni nostri septimo decimo