Charter Document - 07241017
| Charter Number: | 07241017 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars altera. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue salutem Sciatis quod apud Abirbrothoc quinto decimo die Februarii anno regni nostri nono religiosi viri et fideles nostri abbas et conuentus de Abirbrothoc coram nobis et consilio nostro ibidem patenter et euidenter ostenderunt quasdam cartas et instrumenta a predecessoribus nostris regibus Scocie confirmata super terris de Dofnaldston Dronsled et Culbak de Monbodach et Glenferkeryne de Fasdauach et medietate de Tubertach et duabus partibus de Kynkel et de Petinagartenach et precipue quasdam conuenciones inter ipsos religiosos et Alexandrum quondam comitem de Buchan et heredes suos super eisdem terris in scriptis redactas initas et confectas et ex parte dicti quondam comitis et heredum suorum non obseruatas Per quas quidem cartas instrumenta et conuenciones perpendimus euidenter et cum consilio nostro declarauimus et diffinimus et per presentes litteras declaramus et concedimus quod dicti religiosi in defectu dicti quondam comitis et heredum suorum seipsos ad ius et proprietatem dictarum terrarum de cetero recognoscant et dictas terras suas ita integre quiete et pacifice teneant et possideant sicut ipsi vel eorum predecessores ipsas terras ante conuenciones inter ipsos et dictum quondam comitem et heredes suos factas liberius et quiecius tenuerunt seu possiderunt Quare mandamus et firmiter precipimus justiciariis vicecomitibus et eorum balliuis ceterisque fidelibus nostris vniuersis quod dictos religiosos in possessione dictarum terrarum iuste manu teneant et defendant Firmiter inhibentes ne quis dictos religiosos aut eorum homines dictas terras inhabitantes contra declaracionem et concessionem nostram predictam aliquatenus grauare presumat iniuste super nostram plenarium foris facturam In cuius rei testimonium has litteras nostras eisdem religiosis inde fieri fecimus patentes perpetuo duraturas Datum die loco et anno predictis