Charter Document - 07241004
| Charter Number: | 07241004 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars altera. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1312 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue salutem Sciatis nos pro salute anime nostre et pro salute animarum omnium predecessorum et successorum nostrorum regum Scocie dedisse concessisse et hac presenti carta nostra confirmasse Deo et beate Marie virgini et sancto Thome martiri et monasterio de Abirbrothot ac abbati et monachis ibidem Deo et sancto Thome seruientibus et in perpetuum seruituris omnes terras quas habent et tenent cum furca et fossa socco et sacco tol et them et infangandthef et aliis iustis pertinenciis suis infra parochiam de Taruays de dono bone memorie domini Alexandri regis filii Willelmi quondam regis Scocie in libertates que secuntur videlicet quod abbas et monachi loci supradicti de cetero habeant teneant et possideant omnes terras predictas cum pertinenciis in puram et perpetuam regalitatem adeo libere et quiete plene et honorifice sicut aliquas alias terras suas infra regnum Scocie de dono bone memorie domini Willelmi regis Scocie fundatoris monasteri predicti liberius quiecius plenius et honorificencius in regalitate hactenus tenuerunt vel tenent seu tenere poterunt in futurum Volumus quoque et concedimus quod dicti abbas et monachi de cetero liberi sint et quieti a secta curie quam hactenus facere et inuenire solebant pro dictis terris ad curiam nostram de Abirden et liberi sint et quieti de vna marca quam hactenus soluere consueuerunt annuatim burgo de Fyvyn pro telonio Concedimus eciam quod dicte terre et habitantes in eis liberi sint ab omnimodis priscis seu capcionibus cariagiis tallagiis seu exaccionibus aliis per nos uel heredes nostros seu quoscunque alios de regno nostro inponendis seu exigendis saluo nobis et heredibus nostris in exercitu nostro tantummodo seruicio de dictis terris debito et consueto tempore bone memorie domini Alexandri regis Scocie predecessoris nostri et oracionibus dictorum monachorum pro omnibus aliis que de dictis terris exigi poterunt in futurum Volumus eciam et concedimus quod dicti abbas et monachi et eorum balliui nomine suo curiam regalitatis habeant et teneant in terris predictis de omnibus loquelis spectantibus ad regalitatem sicut curiam regalitatis apud Abirbrothot liberius quiecius et honorificencius hactenus tenuerunt seu tenere poterunt in futurum Firmiter prohibentes ne quis de regno nostro dictos abbatem seu monachos vel incolas terrarum predictarum contra hanc donacionem et concessionem nostram aliquatenus grauare presumat iniuste super nostram plenarium foris facturam Mandamus insuper et firmiter precipimus justiciariis vicecomitibus prepositis et eorum balliuis quod dictos religiosos et eorum homines in libertatibus supradictis nomine nostro manu teneant et defendant In cuius rei testimonium presenti carte nostre sigillum nostrum precepimus apponi Testibus venerabilibus patribus dominis Willelmo Sancti Andree Henrico Abirdonensi Nicholao Dunblanensi et Johanne Brechynnensi Dei gracia episcopis Edwardo de Bruys domino Galwadie fratre nostro Willelmo comite Rossensi Malcolmo comite de Leuenaux Thoma Ranulphi nepote nostro et Gilberto de Haya constabulario nostro Scocie militibus Apud Dunde duodecimo die Aprilis anno regni nostri septimo