Charter Document - 07241001

W[illelmus] Dei gratia Rex Scott[orum] Episcopis Abbatibus Comitibus Baronibus Justiciis vicecomitibus et Omnibus probis hominibus tocius terre sue Clericis et laicis salutem Sciant presentes et futuri me pro amore Dei et pro salute anime mee et animarum antecessorum et successorum meorum dedisse et concessisse et hac carta mea confirmasse Deo et Ecclesie quam fundaui in honore Dei et Sancti Thome archipresulis et Martiris Apud Aberbrutoh et Monachis ibidem Deo et Sancto Thome seruientibus In liberam et perpetuam elemosinam Aberbrotoht cum tota schira sua per rectas diuisas suas in bosco et plano in terris et aquis in pratis et pascuis et cum omnibus iustis pertinentiis suis et ecclesiam eiusdem uille Scilicet et Aberbrethot cum planariis decimis suis et cum omnibus aliis iustis pertinentiis suis Dedi etiam et concessi eis licentiam et libertatem faciendi Burgum et habendi portum et habendi forum una quaque die Sabbati in eadem terra Concessi etiam eis in perpetuum hanc in eorum burgo predicto libertatem ut omnes eorum burgenses qui in eodem burgo terram uel domum habuerint et in eo manentes fuerint et burgenses eorum qui in toftis eorum manent in burgis meis quieti et liberi sint a teloneo et consuetudine per totam terram meam et per omnes portus terre mee de omnibus et omnimodis mercibus et mercaturis suis propriis quas emerint uel vendiderint Dedi etiam eis et concessi [A]thin per rectas diuisas suas et cum omnibus iustis pertinentiis suis et ecclesiam eiusdem uille cum plenaria decimis suis et cum aliis iustis pertinentiis suis Dedi etiam eis Adinaglas per rectas diuisas suas et cum omnibus iustis pertinentiis suis et Duneicht cum tota schira sua per rectas diuisas suas et cum omnibus aliis iustis pertinentiis suis et ecclesiam eiusdem uille cum omnibus ad eam iuste pertinentibus Et Kingoueldrum cum tota schira sua per rectas diuisas suas et ecclesiam eiusdem uille cum omnibus ad eam iuste pertinentibus Et ecclesiam Sancte Marie de ueteri Munros cum terra eiusdem ecclesie que Scottice abthen uocatur per rectas diuisas suas et cum decimis planariis et cum omnibus aliis iustis pertinentiis suis Et ecclesiam de Neutile cum omnibus iustis pertinentiis suis Et ecclesiam de Benchorin cum omnibus iustis pertinentiis suis Et ecclesiam de Glamenes cum omnibus iustis pertinentiis suis Et ecclesiam de Hakatwisel in Tindalia cum omnibus pertinentiis suis In capellis In terris In decimis In elemosinis et in omnibus aliis ecclesiasticis Rectitudinibus consuetudinibus et beneficiis Cum communi etiam pastura Omnibusque aliis aisiamentis earundem parochiarum Et unum plenarium toftum in singulis burgis meis et Gistis que habeo et habiturus sum Et licentiam capiendi in forestis meis quecunque eis necessaria fuerint ad edificia sua et ad usus proprios Et unum Rete super aquam meam de Pert que uocatur Sthoc et unum plenarium Rete super aquam de Nor Esech iuxta Munros Et unam salinam iuxta salinas meas in Kars apud Striuelin cum v acris terre cum pastura et focali ad predictam salinum sufficientibus Concedo etiam eis in terra sua liberam curiam suam Cum Sacca et socca et cum Tol et Them et infangenthen et ferrum et Duellum fossam et furcas et liberam electionem abbatis et firmam pacem intra diuisas de Aberbrothot Omnia autem dona predicta ita liberaliter et quiete prefate ecclesie concedo sicut ego terras meas proprias possideo defensione regni mei excepta et Regali iusticia si abbas in curia sua aliqua negligentia de iusticia deciderit Quare uolo et firmiter precipio quod ipsa ecclesia Sancti Thome de Aberbrothot et ipsius ecclesie abbas et conuentus habeant et teneant inperpetuum omnia predicta tenementa et libertates sicut superius determinatum est cum terris et cum omnibus possessionibus et cum omnibus tenementis ecclesiasticis et secularibus que ego et fideles mei eis contulimus et collaturi sumus Bene et in pace libere et quiete integre et plenaria et honorifice In bosco et plano In pratis et pasturis In aquis et molendinis In uiuariis et stagnis In piscariis et Mariscis In Wastis et Scalinggis In viis et semitis et in omnibus aliis locis et aliis rebus ad eas pertinentibus et cum omnibus libertatibus et liberis consuetudinibus suis sicut eidem ecclesie concessi et hac carta mea confirmaui Nec aliquis successorum meorum aliquam aliam secularem exactionem ab eadem ecclesia Sancti Thome exigat Teste Jocelino episcopo Glasguensi Andree episcopo Catenensi Arkenbaldo abbate de Dunfermelin Roberto abbate de Scone Comite Dunecano Comite Gilleberto Comite Wald Gillebride comite de Anegus Malcolmo comite Ethal Comite Colbano Ricardo de Moruill constabulario Waltero Olifard Justicia Waltero de Berkel camerario Willelmo de Mortemer Willelmo de Lindes Willelmo de Haia Alano filio Walteri Waltero de Windesouer Roberto de Berkel Willelmo filio Toraldi Rogero de Vallan Johanne de Lundon