Charter Document - 07230341
| Charter Number: | 07230341 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum balliuis suis de Kyngorn qui pro tempore fuerint salutem Sciatis quod veraciter intelleximus quod religiosi viri abbas et conuentus de Abirbrothoc percipere consueuerunt singulis annis quatuor marcas argenti de firmis et reditibus nostris de Kyngorn per vos infra balliam vestram leuandas ad sustentandum luminare circa tumbam bone memorie domini Willelmi regis Scocie Quas quidem quatuor marcas predictas eisdem religiosis persolui volumus perpetuo per manus vestras singulis annis ad terminum Pentecostes Quare vobis mandamus et firmiter precipimus quatinus dictis abbati et conuentui de Abirbrothoc dictas quatuor marcas vt predictum est integraliter persoluatis seu persolui faciatis annuatim ad predictum terminum Pentecostes Et nos dictam pecuniam vobis in compotis vestris annis singulis faciemus plenius al locari In cuius rei testimonium has litteras nostras patentes vobis ostendendas dictis religiosis fieri fecimus perpetuo duraturas Datum apud Inuerkethyn decimo die Octobris anno regni nostri decimo