Charter Document - 07230329
| Charter Number: | 07230329 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1312 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Memorandum quod die mercurii proximo ante festum natiuitatis Sancti Johannis Baptiste anno gracie millesimo trecentesimo duodecimo Dominus Bernardus permissione diuina abbas de Aberbrothoc vtilitate monasterii sui considerata nomine suo et conuentus sui concessit et affedauit venerabili in Christo patri domino Dauid Dei gracia Morauiensi episcopo omnes garbas decimales ad ecclesiam suam de Inuernys spectantes usque in finem duorum annorum a dato presentis continue numerandarum plene et integre complendorum pro quinquaginta marcis sterlingorum quas idem dominus episcopus predicto domino abbati per manibus persoluit et quas idem dominus abbas nomine suo et conuentus sui fatetur se recepisse in vsum et vtilitatem dici monasterii sui conuertendas ita quod dictis duobus annis completis decime garbales dice ecclesie cum omni jure suo ad ius et proprietatem dicti monasterii et ad liberam dispositionem abbatis et conuentus eiusdem libere redeant nulla penitus contradictione obstante quod idem dominus episcopus bona fide promisit inuiolabiliter obseruare Et sciendum quod si dicte decime stantes in area durante autumno per guerram communem in tantum destruantur quod absit quod ad viginti quinque marcas se extendere non poterunt illo anno dictus abbas ad supplendum diminucionem predicte summe tenebitur Quod si dicte decime post autumnum ex quo a solo fuerint separate et in horreis recondite vel aceruis per guerram communem vel alium casum quod absit destructe fuerint periculum huius modi ad ipsum dominum episcopum pertinebit In cuius rei testimonium et sincere fidei firmitatem dictorum dominorum episcopi et abbatis sigilla presentibus in modum cyrographi confectis mutuo sunt appensa Datum apud Croyn die et anno supradictis