Charter Document - 07230328
| Charter Number: | 07230328 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Lay |
| Charter Type(s): | Resignation |
| Date: | 1312 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus ad quos presentes litere peruenerint Alexander Fraser filius quondam domini Andree Fraser militis salutem in Domino Quia religiosi viri dominus Bernardus Dei gratia abbas de Aberbrothoc et eiusdem loci conuentus concesserint et saluam tenent in me terram suam de Turry cum pertinenciis pro tempore vite mee prout littere ipsorum mihi super hoc confecte plenius testantur Ego grato animo promisi et promitto eisdem et per presentes litteras fateor me teneri ad prestandum eis et eorum monasterio de cetero fidele concilium auxilium et laborem meum cum necesse fuerit in omnibus agendis suis quociens fuero requisitus et commode potero interesse sumptibus monasterii secundum rationabilem modum vocacionis salua fide nostri regis et aliorum dominorum meorum priorum et specialiter manu tenendum et promouendum terras et homines eorundem in suo iuxta posse meum Et super his dictis religiosis et eorum successoribus pro tempore meo fidelitatis prestiti sacramentum resignaui eisdem et per presentes resigno pensionem annuam mihi factam dominum Johannem dudum abbatem de Aberbrothoc et eiusdem conuentum predecessorem videlicet dicti domini Bernardi percipiendam de annuo redditu de Coneueth ita quod scriptum mihi inde confectum nullius penitus fit firmitatis In quorum omnium testimonium presentibus sigillum meum est appensum Datum apud Aberden die jouis ante festum beate Marie Magdalene anno gracie millesimo trecentesimo duodecimo