Charter Document - 07230326
| Charter Number: | 07230326 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1309 - 1311 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus ad quorum noticiam presentes littere peruenerint Frater Bernardus permissione diuina abbas de Aberbrothoc salutem in Domino sempiternam Noueritis nos nomine nostro et tocius conuentus nostri concessisse et ad firmam dimisisse venerabili in Christo patri domino Dauid Dei gratia episcopo Morauiensi totam terram nostram del Boucht iuxta Inuernys vsque ad terminum quinque annorum a festo penthecostes anni gracie millesimi trecentesime vndecimi plene et continue complendarum pro quinque marcis argenti quas dictus dominus episcopus in magna necessitate nostra nomine firme per manibus persoluit quam quidem pecuniam in vsus nostros et vtilitatem monasterii nostri per presentes fatemur esse conuersam Tenendam et habendam dicto domino episcopo vel suis assignatis legitime constitutis vsque ad terminum prenotatum ita libere et quiete cum omnimodis aysiamentis libertatibus et commoditatibus ad eandem terram spectantibus aut spectare valentibus sicut nos dictam terram tenemus et possidemus saluis decimis et aliis iuribus matricis ecclesie nostre de Inuernys Dictam autem terram de le Boucht predicto domino episcopo usque ad ter minum predictum contra omnes homines et feminas warantizabimus et defendemus Dum tamen super hoc loco et tempore competenti legitime fuerimus premuniti In cuius rei testimonium []