Charter Document - 07230325
| Charter Number: | 07230325 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1312 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus sancte matris ecclesie filiis presentes litteras visuris uel audituris Frater Bernardus permissione diuina abbas de Aberbrothoc et eiusdem loci conuentus salutem in Domino In omnibus negociis causis et querelis motis et mouendis coram quibuscunque judicibus ordinariis uel delegatis arbitris uel eorum commissariis vno uel pluribus quibuscunque diebus et locis et contra quoscunque aduersarios nostros Dilectos et speciales nostros dominum Nesonem priorem de Fyuyn com monachum nostrum Et magistrum Galfridum Thodlauch canonicum Morauiensem clericum nostrum procuratores nostros et monasterii coniunctim et diuisim facimus constituimus et ordinamus Dantes eisdem et eorum cuilibet plenarium potestatem et speciale mandatum pro nobis et monasterio nostro agendi nosque defendendi excipiendi replicandi lites contestandi iurandi de calumpnia et de veritate dicenda testes producendi et eosdem recusandi dicendi in testes et testificata alium vel alios loco sui substituendi sentencias inter locutorium et diffinitiuam audiendi et appellandi appellationem prosequendi et eam innouandi status etiam nostri reformationem quociens necesse fuerit petendi et omnia ac singula alia faciendi que veri et legitimi procuratores vel procurator facere possunt et debent potest et debet Ratum et gratum habentes et habituri quicquid dicti procuratores nostri vel eorum alter duxerint vel duxerit nomine nostro et monasterii nostri iusticia communicante faciendum in premissis pro eisdem eciam iudicatum solui si necesse fuerit bona fide promittimus per presentes In cuius rei testimonium commune sigillum capituli nostri presentibus fecimus apponi Datum apud Aberbrothoc die mercurii in festo purificationis beate Marie virginis anno gracie millesimo trecentesimo vndecimo