Charter Document - 07230323
| Charter Number: | 07230323 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1310 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus has litteras visuris vel audituris Michael de Monifuth domnus abbathanie eiusdem Salutem eternam in Domino Nouerit vniuersitas vestra me et heredes meos teneri et tenore presencium firmiter obligari domino abbati de Aberbrothoc qui pro tempore fuerit et eiusdem loci conuentui in sex solidis et octo denariis bonorum et legalium sterlingorum pro tofto et crofto que ab eis ad feodo firmam teneo in territorio predicte abbathanie de Monifoth soluendis eisdem vel vni eorum ad hoc capitulariter deputato ad duos anni terminos videlicet medietatem ad festum pentecostes et aliam medietatem ad festum Sancti Martini in hyeme Et reddendo dictis religiosis quolibet anno ad festum natiuitatis beate Marie virginis vnam dimidiam bollam feminis grani sinapis Et si contingat quod absit me uel heredes meos in solutionibus predictis in toto aut in parte ad aliquem terminorum predictorum gratis exigente contumacia vel defensione fraude seu malo ingenio deficere licebit ex tunc dictis religiosis de dicta terra pro libito voluntatis sue ordinare libere et despondere et cuicunque voluerint pro commodo monasterii assedere nulla penitus conuencione littera sua patenti seu proponendo obstante In cuius rei testimonium presentibus sigillum meum gratis coram domino Dauid decano christianitatis de Anegus et del Mernis domino Mauricio perpetuo vicario de Aberbrothoc et aliis fide dignis quam pluribus apposui gerens impressam ymaginem cuiusdam caniculi gerentis in dorso formam arboris ramosi Datum apud Aberbrothoc die sabbati in festo Sancti Jacobi apostoli anno gracie millesimo trecentesimo decimo