Charter Document - 07230322
| Charter Number: | 07230322 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1301 - 1304 |
| Date type: | Assigned |
| Resource Link(s): |
People of Medieval Scotland |
Charter:
Uniuersis presentes literas inspecturis Johannes permissione diuina abbas de Aberbrothoc et eiusdem loci conuentus salutem in Domino Noueritis nos de vnanimi consensu et assensu tocius capituli nostri concessisse et ad firmam dimisisse Galfrido Runeueld filio quondam Roberti Runeueld burgensi de Aberbrothoc vnam perticatam terre que spectat ad officium communitatis nostre de dono quondam Adam Camerarij jacentem in vico de Covgate inter solarium quod fecit Adam filius Martini ex vna parte et terram Laurencij Cryn ex altera Tenendam et habendam sibi et heredibus suis de nobis et successoribus nostris ita libere et quiete plenaria et honorifice sicut aliquis burgensis noster aliquam terram in burgo nostro liberius et quiecius plenarius et honorificentius tenet et possidet Reddendo inde annuatim Custodi communitatis nostre qui pro tempore fuerit duodecim denarios ad duos anni terminos videlicet sex denarios ad festum pentecostes et sex denarios ad festum Sancti Martini in hyeme primo termino solucionis incipiente ad festum pentecostes anni gratie millesimi trecentesime quarti Si vero predictus Galfrido discesserit sine herede licebit nobis de dicta terra et edificijs in eadem constructis pro voluntate nostra libere disponere et ordinare In cuius rei testimonium hanc cartam nostram communi sigillo capituli nostri signatam predicto Galfrido fieri fecimus patentem Datum apud Aberbrothoc die Sancti Stephani protomartiris anno Domini millesimo trecentesimo tercio