Charter Document - 07230320
| Charter Number: | 07230320 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1299 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus presens scriptum visuris vel audituris Nycholaus permissione diuina abbas de Aberbrothoc et eiusdem loci conuentus eternam in Domino salutem Nouerint vniuersi nos de communi consensu capituli nostri concessisse et hac presenti carta nostra confirmasse Patricio de Rothen illam carucatam terre de Kilalcmunith quam comes Dauid nobis in elemosinam dedit et quam venerabilis pater noster dominus Henricus primus abbas et conuentus Willelmo de Tatenel ad firmam dederunt Tenendam et habendam eidem Patricio et heredibus suis de nobis et successoribus nostris bene plenaria et honorifice cum omnibus rectis diuisis suis et iustis pertinencijs Salua nobis regalitas in dicta terre carucata Reddendo nobis et successoribus nostris annuatim vnam marcam argenti scilicet dimidiam marcam ad Penthecosten et dimidiam marcam ad festum Sancti Martini in hyeme In cuius rei testimonium presentibus commune sigillum capituli nostri fecimus apponi Apud Aberbrothoc die Sabbati proxima ante festum Beati Clementis martiris anno Domini millesimo ducentesimo nonagesimo nono