Charter Document - 07230319
| Charter Number: | 07230319 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1287 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Alexander Cumin comes de Buchan Constabularius Scotie Salutem in Domino sempiternam Noueritis nos pro nobis et heredibus nostris teneri et obligari Religiosis viris abbati et conuentui de Abyrbrothoc in vna dimidia marca argenti annui redditus pro quadam particula terre sue de tenemento suo de Tarvays Que quidem particula terre inclusa est infra parcum nostrum de Kellyn Soluendo eisdem viris religiosis singulis annis in festo pentecostes apud Tarvays primo termino solutionis incipiente ad pentecosten Anno gracie millesimo ducentesimo octogesimo septimo ad inueniendum duos cereos ardentes coram altari Beate Marie virginis in monasterio de Aberbrothoc in perpetuum quolibet die cum ibidem diuina celebrantur pro salute anime nostre et anime regis Alexandri ac animabus omnium antecessorum et successorum nostrorum In cuius rei testimonium huic scripto sigillum nostrum fecimus apponi Datum apud Aberbrothoc die veneris proxima post festum Sancti Gregorij pape anno Domini millesimo ducentesimo octogesimo sexto