Charter Document - 07230317
| Charter Number: | 07230317 |
|---|---|
| Cartulary Title: | Liber Sancte Thome de Aberbrothoc. Registrorum Abbacie de Aberbrothoc. Pars prior. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1283 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Vniuersis sancte matris ecclesie filiis ad quos presentes littere peruenerint Johannes Dei gratia Prior Sancti Andree et eiusdem loci conuentus Salutem in Domino sempiternam Nouerit vniuersitas uestra quod cum venerabilis pater dominus Willelmus Dei prouidencia Sancti Andree episcopus consenserit donationi facte iuris religiosis abbati et conuentui de Arbroth per Hugonem Blundum dominum de Aberbuthenot de vna bouata terre in tenemento de Garuoch cum iure patronatus Ecclesie de Garuoch et ipsius donationem auctoritate pontificali confirmauerit nec non ipsius ecclesie garbarum decimas in usus proprios ipsius monasterii de Abirbrothoc libere conuerterit ac caritatiue concesserit Salua sibi et successoribus suis perpetua collatione integre vicarie ecclesie prenominate vna cum bouata terre per dictum Hugonem Blundum eidem ecclesie assignate Et aliis aysiamentis pertinentibus ad eandem Nos igitur predictas confirmationem et concessionem prefati domini Episcopi ratificantes et inperpetuum ratas permanere uolentes habito super hiis tractatu diligenti de communi consensu capituli nostri ipsas duximus confirmandas Promit tendo pro nobis et successoribus nostris prefatos religiosos in dica ordinatione et concessione nullatenus inquietare In cuius rei testimonium presentes litteras Sigillo nostro communiri autentico roborauimus Datum apud Sanctum andream in festo Beati Michaelis archangeli Anno gracie millesimo ducentesimo octogesimo tercio